Madaxweynaha Soomaaliya Xasan Sheekh Maxamuud oo Salaadda Jimcada kula tukaday masuuliyiinta Dowladda iyo shacabka, Masaajidka Shuhadada ee Madaxtooyada Qaranka, ayaa ka hadlay xaaladda dalka iyo dagaalka ka dhanka argagixisada ee ka socda deegaanada ka tirsan Hirshabelle.
Madaxweynaha ayaa soo bandhigay guulaha muhiimka ah ee Halyeeyada Ciidamada Qaranku ay ka soo hoynayaan howlgallada xoreynta dalka, isagoo xusay in shacabka Soomaaliyeed iyo dowladdooda aysan u joojin doonin dacaayadaha iyo beenta ay dhoodhoobayaan argagixisadu.
Madaxweyne Xasan Sheekh ayaa sheegay in wararka maalmahan socda ee la xiriira in Al-Shabaab ay Muqdisho ka geysanayaan weeraro ay yihiin Borobagaando ay sameysatay Al-shabaab iyagoo helay dad Soomaali ah iyo kuwa Ajnabi ah oo fariintooda gudbiya
โMagaalada Muqdisho ayadoo Qaraxyadu ka dhacayaan, Saraakiisha Dowladda maalin walba ladilo ayaan la joojin jirin Duulimaadyada oo ay maalin walba imaan jireyn maxeey tahay Qatarta maanta dhacday oo Diyaaradaha loo joojiyayโayuu yiri Madaxweyne Xasan Sheekh.
โDalkaan khatar kama jiro, mana jirto degmo horay loo xoreeyey oo AS dib nooga qabsatay, cir iyo dhul ayaan ka duqaynaynaa, Ma aqbaleeyno siyaasiyiinta iyo Dowladaha shisheeye ee Dadkeena Cabsi Galinaayoโ
Hadalka Madaxweynaha ayaa jawaab u ah digniin ay soo saartay Safaarada Mareykanka ee Muqdisho taasi oo sheegeysay in Al-shabaab ay qorsheynayaan weeraro qaraxyo ah oo ay ka fuliyaan goobo ay kamid yihiin Garoonka Aadan Cade.
