Dhammaadkii shirkii wasiirrada arrimaha dibadda ee dalka G7 ee lagu qabtay Canada, ayaa xoghayaha arrimaha dibedda ee Mareykanka, Marco Rubio ka sheegay in RSF ay fuliyeen xadgudubyo qorshaysan oo ay ku jiraan dil, kufsi iyo tacaddiyo galmo oo lagula kacay dadka rayidka.
Ciidamada dowladda Suudaan ayaa ku eedeeyay isku-tagga Imaaraadka Carabta, inay ku taageerayaan xooggaga RSF hub iyo dagaalyahano calooshood u shaqaystayaal ah, oo sii maraya dalal afrikaan ah.
Imaaraadka carabtana dhankeeda waxa ay marar badan diiday eedaymahaasi.
RSF ayaa dagaal kula jirtay ciidamada Suudaan tan iyo Abriil 2023, ka dib muran awoodeed oo u dhexeeyay hoggaamiyayaashooda uu isu beddelay dagaal sokeeye.
Hadallada ka soo yeeray xooghayaha arrimaha dibadda Maraykanka ayaa kamid ah kuwii ugu xoogganaa ee ilaa iyo hadda ka soo yeera xukuumadda Trump ee ku aadan daagaalka Suudaan iyo ficillada kooxda RSF, waxaanse la hubin saamaynta ay yeelan doonaan hadaladaasi.
