Mareykanka ayaa soo saaray warbixin ay kaga hadlayaa duqeymo lagu beegsaday ISIS oo xalay laga fuliyay buuraha Calmiskaad ee Puntland.
Warsaxaafadeed kasoo baxay Taliska Ciidamada Mareykanka ee Qaaradda Afrika (AFRICOM) ayaa lagu faah faahiyay duqeymahaasi uu fuliyay Mareykanku.
Waxaana ย duqeynta ay dhacday 16 Feb oo ku beegan xalay lagu beegsaday dagaallamayaasha kooxda Daacish, kaddib iskaashi lala sameeyay dowladda Federaalka Soomaaliya.
โIyadoo la kaashanayo Dowladda Federaalka Soomaaliya, Taliska Mareykanka ee Afrika (U.S. Africa Command) ayaa fuliyay duqeyn cirka ah oo ka dhan ah ISIS-Somalia, taasoo ka dhacday waqooyiga bariga Soomaaliya 16-ka Febraayo, 2025โ ayaa lagu yeri qoraalka kasoo baxay AFRICOM.
Taliska Ciidamada Mareykanka ee Afrika ayaa sheegay in qiimeynta hordhaca ah ee AFRICOM ay muujisay in laba dagaalamae oo ka tirsan dagaallamayaasha Daacish in lagu dilay duqeynta, islamarkaana aysan jirin wax khasaare ah oo ka soo gaaray rayidka,.
โQiimeyntii hore ee taliska waxay muujineysaa in duqeynta lagu dilay laba dagaalyahan oo ka tirsan ISIS, mana jirin waxyeello soo gaartay shacabka. Taliska Mareykanka ee Afrika wuxuu sii wadi doonaa qiimeynta natiijooyinka howlgalkan wuxuuna bixin doonaa macluumaad dheeraad ah haddii loo baahdo. Si loo sugo amniga hawlgalladaโ sidaasi ayaa ku xusan Warsaxaafadeedka ka soo baxay Militariga Mareykanka.
