Madaxweynaha Mareykanka, Donald Trump, ayaa sheegay in Maraykanku uu weerar ku qaaday markab siday maandooriye, kaas oo marayay koonfurta Caribbean-ka, isla markaana ay halkaas ku dileen “11 qof oo daro ka ganacsada waxyaabaha maanka dooriya.”
Waxa uu soo dhigay baraha bulshada in howlgalkii militariga Mareykanka uu Talaadadii beegsaday xubno ka tirsan burcadda Tren de Aragua ee Venezuela.
Trump ayaa sheegay in markabkan uu marayay biyaha caalamiga ah isagoo sida dawooyin isla markaana ku sii jeeday dalka Mareykanka.
Maamulka Trump ayaa kordhiyay cadaadiska militariga iyo kuwa siyaasadeed ee ka dhanka ah madaxweynaha Venezuela, Nicolas Maduro toddobaadyadii la soo dhaafay, oo ay ku jirto in la siinayo $50m (£37m) oo abaal marin ah ciddii keenta xog horudhac ah oo la xirriira eedeymaha ka ganacsiga daroogada.
Maduro ayaa wacad ku maray in Venezuela ay iska caabin doonto isku day kasta oo uu Mareykanku ku doonayo in uu faragelin militari ku sameeyo.
