Saturday, August 30, 2025

Midowga Afrika oo war ka soo saartay qabashada Bariire iyo xubnaha laga dilay Al-shabaab

Warsaxaadadeed ka soo baxay Midowga Afrika ayaa waxaa looga hadlay howlgalkii lagu qabtay deegaanka Bariire ee Gobolka Shabeellada Hoose oo Muddo todobaad uu ka socday dagaal culus oo u dhexeeyay ciidamada huwanta iyo Maleeshiyaadka Al-shabaab.

Hawlgalka oo socday dhowr maalmood ayaa ku wajahnaa weerar dhulka ah oo culus oo ka dhan ah kooxda Al-Shabaab, waxaana lagu sheegay qoraalka in lagu dilay in ka badan 100 xubnood oo ka tirsan kooxda, iyadoo tiro kale dhaawacyo culus soo gaareen.

Wakiilka Gaarka ah ee Midowga Afrika u qaabilsan Soomaaliya ahna Madaxa AUSSOM, Danjire El Hadji Ibrahima Diene, ayaa ammaanay geesinimada ciidamada labada dhinac, isagoo sheegay in guushan ay tahay “marxalad cusub oo muhiim ah” oo lagu xaqiijinayo amniga gobolka Shabeellaha Hoose.

Taliyaha AUSSOM, Lt. Gen. Sam Kavuma, ayaa ku tilmaamay hawlgalka Bariire “isbedel muhiim ah” oo gundhig u noqonaya xasilloonida mustaqbalka, halka Taliyaha ciidamada Uganda ee AUSSOM, Brig. Gen. Joseph Musoke Ssemwanga, uu sheegay in qabsashada Bariire ay tahay dhirbaaxo culus oo loo geystay Al-Shabaab.

Hawlgalka ayaa sidoo kale lagu soo qabtay hub fara badan oo ay hore u isticmaali jireen Al-Shabaab si ay u weeraraan dadka rayidka ah iyo xarumaha muhiimka ah ee gobolka Shabeellaha Hoose.

Ka hor inta aan la qabsan, Bariire waxay ahayd xarun istiraatiiji ah oo ay Al-Shabaab ka abaabuli jireen weerarrada ka dhanka ah gobolka iyo caasimadda Muqdisho.

Ciidamada AUSSOM iyo kuwa dowladda ayaa hadda sugaya ammaanka degmada Bariire, iyagoo baaritaanno ka wada deegaannada ku xeeran si loo tirtiro unugyada haray ee Al-Shabaab.

WARARKII KALE

Dhageeyso Warka Habeenimo ee Radiojowhar 29/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

Ugu yaraan 69 rakaab oo ku dhintay Doon ku sii jeedday jasiiradaha Canary ee Spain

Ugu yaraan 69 qof ayaa ku dhintay tiro kalena...

Wasiirka Arrimaha Dibadda Jabuuti oo gaaray Beledweyne

Wafdi balaaran ee uu hogaaminayay Wasiirka arimaha dibada ee...

Ra’iisul Wasaare Xamsa oo ka qaybgalay Kulanka Isku-xiridda Ganacsiga Soomaaliya iyo Shiinaha

Ra’iisul Wasaaraha Xukuumadda  Federaalka Soomaaliya, Xamsa Cabdi Barre, oo...

Soomaaliya iyo Yemen oo ka wadahadlay iskaashiga amniga

Danjiraha Safaaradda Dowladda Soomaaliya ee dalka Yemen Mudane Cabdixakiiim...

Liiska musharixiinta DG Waqooyi Barri iyo amaro amniga

Gudidda doorashada maamulka Waqooyi Bari ayaa soo saaray liiska...

NAGU SOO BIIR

16,000FansLike
523FollowersFollow
352SubscribersSubscribe

Latest Articles