Milateriga Israaโiil ayaa qirtay masโuuliyadda dilka shaqaale ka tirsanaa Qaramada Midoobay oo loo adeegsaday madaafiic, ka dib markii ay hore u beeniyeen inay ku lug lahaayeen, dhacdo bishii hore ka dhacday Marinka Qasa.
19-kii Maarso, shaqaale ka tirsanaa Qaramada Midoobay ayaa la dilay ka dib markii la burburiyay xarun ay Qaramada Midoobay ku lahayd Deir al-Balah. Xilligaas, ciidamada difaaca Israaโiil (IDF) waxay ku andacoodeen inaysan weerarin xarunta.
Si kastaba ha ahaatee, maalintii Khamiista, IDF ayaa sheegtay in natiijooyinka ugu horreeya ee baaritaankooda ay muujinayaan in askartooda ay dileen shaqaalaha Qaramada Midoobay iyagoo si qaldan u beegsaday, ka dib markii ay ka shakiyeen in dhismaha oo ay u maleeyeen in ay ku sugnaayen wax ay ku tilmaameen cadowgoodaโ.
Bayaankooda waxay ku yiraahdeen: โDhismaha waxaa la weeraray iyadoo la eegayo xog muujineysa in ay ku jireen dad mucaarad ah,โ.
IDF ayaa intaa ku dartay in natiijadan baaritaanka ay u gudbiyeen Qaramada Midoobay, sidoo kalena baaritaan buuxa loo gudbin doono.
Waxay intaa ku dareen: โIDF waxay aad uga xun tahay dhacdadan halista ah waxayna sii wadaysaa inay samayso baaritaan dhab ah si ay u barato oo ay u qiimeyso tallaabooyin dheeri ah oo looga hortagayo dhacdooyinkan oo kale mustaqbalka.
โWaan ka tacsiyeyneynaa dhibaatada dhacday, waxaana uga tacsiyeyneynaa qoyska ay ka baxdayโ.
Dhacdadan oo sababtay dhimashada Marin Valev Marinov oo u dhalatay dalka Bulgaria oo u shaqaynaysay Qaramada Midoobay, isla markaana ay si xun ugu dhaawacmeen shan kale oo ka tirsan shaqaalaha Qaramada Midoobay, ayaa dhacday maalin uun ka dib markii Israaโiil ay dib u bilowday weerarrada ay ku hayso Xamaas ka dib markii ay burburtay xabbad joojin labada bilood ah.
