Xubnaha siyaasiyiinta mucaaradka ayaa maanta sii wada dood ku saabsan nooc doorasho oo cusub, xilli uu soo dhow yahay dhammaadka muddo-xileedka Madaxweynaha Soomaaliya, Xasan Sheekh Maxamuud.
Doodda ayaa diiradda lagu saarayaa hannaan “dhexe” oo ka duwan labadii nidaam ee horey loo soo maray doorashadii dadbaneyd ee 2022 iyo nidaamka “qof iyo cod” ee uu wato madaxweynaha.
Wararka ayaa sheegaya in mucaaradku isku dayayaan inay ka soo saaraan hal aragti oo mideysan, si loogu gudbiyo beesha caalamka iyo odayaasha dhaqanka. Qorshaha la falanqeynayo ayaa la tilmaamay inuu noqon karo isku dhaf u dhexeeya doorasho dadban iyo mid dadweyne, si loo helo is-afgarad siyaasadeed.
Kulanka maanta ayaa la filayaa inuu noqdo mid go’aan laga gaaro, iyadoo suurtagal ay tahay in maalmaha Arbacada ama Khamiista la shaaciyo nooca doorasho ee ay mucaaradku soo jeedinayaan.
