Madaxweynaha dowladda Federaalka Soomaaliya, Xasan Sheekh Maxamuud, ayaa degmada Cadale kula kulmay qaar ka mid ah odayaasha, waxgaradka, hoggaanka Macawisleyda iyo siyaasiyiinta ka soo jeeda deegaannada gobolka.
Intii uu kulanku socday, Madaxweynaha iyo madaxda uu la kulmay ayaa adkeeyey muhiimadda ay leedahay dardargelinta dagaalka lagula jiro Al-shabaab.
Madaxweynaha ayaa weli kulamo gooni gooni ah ka wada degmada Cadala, isagoona dhinacyada uu la kulmayo uu kala shirayo dagaalka ka dhanka ah maleeshiyaadka Al-shabaab.
Maalintii sedexaad ayuu Madaxweynaha ku sugan yahay degmada Cadala ee gobolka shabeelada dhexe, isaga oo halkaasi ka abaabulaya dagaalka wejigiisa labaad ee maleeshiyaadka Al-shabaab, kaasi oo la doonayo in looga saaro deegaanada Hirshabelle iyo Galmudug.
