Madaxweynaha dowladda Federaalka Soomaaliya Xasan Sheekh Maxamuud ayaa markale dib ugu laabtay furimaha dagaalka ee gobolka Shabeelada Dhexe.
Madaxdweyne Xasan Sheekh ayaa safar uu Muqdisho kaga ambabaxay ku gaaray degmada Cadale ee gobolka Shabeelaha Dhexe.
Ujeedka uu madaxweynaha ka tagay degmada Cadala ayaa ah, siddi loo dardar gelin lahaa dagaalka ka dhanka ah maleeshiyaadka Al-shabaab ee ka socda deegaanada Hirshabelle.
Masuuliyiin kala duwan ayaa kusoo dhaweeyey degmada Cadale madaxweyne Xasan,Waxaana ka mid ah masuuliyiinta soo dhaweeyey Madaxweynaha maamul-goboleedka Hirshabeelle Cali Guudlaawe,Saraakiil ka tirsan xoogga dalka iyo masuuliyiin horay ugu sugnaa degmada Cadale.
Qoraal ka soo baxay madaxtooyada Hirshabelle ayaa lagu sheegay in Madaxweynaha Hirshabeelle Cali Cabdullaahi Xuseen (Cali Guudlaawe) ay degmada Cadale waxaa uu kusoo dhaweeyay Madaxweynaha Soomaaliya Dr. Xasan Sheekh Maxamuud.
Wafdiga Madaxweynaha ayaa loo galbiyey guriga martida ee magaalo xeebeedka Cadale waxaana halkaasi kulan gaar ah ku qaatay labada madaxweyne oo u wehliyo Taliyaha Ciidanka Lugta.
Kulanka ayaa diirada lagu saaray dardargelinta howlgalka dabar-goynta Khawaarijta ee ka socdo Hirshabeelle.
“Madaxweyne, Hirshabeelle waa halka lagu soo xiri doono dagaalka Khawaarijta maanta gabogabo ayuu marayaa.”
