Ra’iisul Wasaaraha Israa’iil Benjamin Netanyahu ayaa sheegay in weerarrada cirka ee Israa’iil ku qaaday Sanca ay burburiyeen qasriga madaxtooyada ee magaalada Sanca, iyo sidoo kale xarunta korontada.
Wuxuu ku adkaystay in kooxda oo ay taageerto Iiraan “ay hadda bixinayso dadaal culus oo ku saabsan weerarradii ay ku qaadi laheed Israa’iil.”
Milatariga Israa’iil ayaa xaqiijiyay in la beegsaday goobo ku yaalla caasimadda Yemen, waxaana bayaan ay warbaahinta Reuters baahisay lagu sheegay in la bartilmaameedsaday xarumo ay ka mid yihiin qasriga madaxtooyada oo ku dhex yaalla xarun ciidan, laba xarumood oo koronto, iyo goob kaydka shidaalka ah.
Wakaaladda wararka Yemen ee Saba ayaa horey u sheegtay in laba qof ay dhinteen, shan kalena ay dhaawacmeen, taasoo ahayd tirada khasaare hordhac ah oo ka dhashay weerarkii Israa’iil ku qaaday xarunta Shirkadda Shidaalka Yemen ee ku taalla waddada 60-aad ee koonfur-galbeed Sanca.
