Dhaawacyadii cuslaa ee Ciidanka Puntland ayaa waxaa loo qaaday dalka Dibadiisa, iyadoo Diyaarad khaas ah loo keenay.
Waxaa shalay laga duuliyey garoonka dayuuradaha caalamiga ah ee magaalada Boosaaso,
Askartan la qaaday ayaa qeyb ka ahaa ciidankii Puntland ee ka hortagay Kooxdii Ajaanibka ahayd ee ka tirsaneyd Daacish kuwaasoo maalmo ka hor soo weeraray saldhigooda gobolka Bari.
Raga la laayay ee Ajaanibta, waxay wada ahaayeen kuwo lawada baadigoobayay oo ka kala yimid meelo badan Puntland ku soo galay si dhuumaaleysi ah sida ay sheegeen saraakiisha Maamulka.
Guddiga Taakuleynta iyo Daryeelka Caafimaadka ee hawlgalka ciribtirka argagixisada, oo fullinaya Amarkii Madaxweynaha Dowladda Puntland ayaa si wanaagsan u maareeyay oo ambabixiyey dhaawacyada u baahday dhakhtar dibadda ah, oo maanta laga dhoofiyey boosaaso, waxaa sagootiyey ciidanka Guddiga taakuleynta ciidanka, Agaasimaha Hay’adda PMPF iyo Saraakiil Madaxtooyo.
Talaabadan Maamulka Puntland uu dibeda ugu qaaday dhaawacyada daran ayaa waxay dhiirigelin u tahay ciidamada ka qeyb qaadanaya howlgalka la dagaalanka argagxisada ee ay ku dhawaaqday Puntland.
