Madaxweynaha dowlad goboleedka Galmudug Axmed Cabdi Kaariye Qoor qoor ayaa si cad u sheegay in Al shabaab ay marayaan waqtiyadoodi ugu dambeeyay, islamarkaana kaliya loo baahan yahay in loo midoobo sifeynta kooxda.
Qoor Qoor ayaa xusay in aysan jirin awood ama ciidan u soo kordhay maleeshiyaadka Al shabaab balse ay yihiin nafla caari ayna mudan yihiin in qeybta ka hartay loo midoobo si looga ciribtira lahaa guud ahaan Soomaaliya.
Madaxweyne Qoor qoor ayaa waxaa uu Shacabka iyo Culuma’udiinka Dhuusamareeb ka codsaday inay Maamulkiisa ku garab istaagaan xoojinta iyo dadaalada dardargelinta dagaalka lagula jiro Kooxaha Argagixisada.
Sidoo kale waxa uu fariin u diray dadka degaanadaasi ku nool in iyadoo kaga faaideysanayo Bisha Ramadan in ay iscaawiyaan maadama meelo kamid ah degaanada Galmudug ay abaaro ka jiraan.
Madaxweyne Qoor qoor ayaa tilmaamay in ay muhiim tahay in laga waantoobo colaadaha dhexdooda ah ee qabaailka quseeya waxaana fursad ay u tahay ayuu yiri inay Kooxda Al shabaab dib usoo abaabulaan.
