Ra’iisul Wasaarihii hore ee Soomaaliya Xasan Cali Kheyre iyo Cumar Cabdirashiid Cali Sharmaarke ayaa xalay waxaa ay magaalada Muqdisho kulamo gooni-gooni ah kula yeesheen xildhibaanno iyo dhalinyaro Soomaaliyeed, kuwaas oo ka dhacay magaalada Muqdisho.
Kulamadan ayaa loo arkaa inay yihiin hordhac u ah shir ballaaran oo la filayo in toddobaadkan ay siyaasiyiinta mucaaradka ku yeeshaan caasimadda, si ay uga arrinsadaan xaaladda siyaasadeed ee dalka.
Kulamada iyo madaxda mucaaradka ayaa si qoto dheer uga hadlay dhinacyada ay la kulmeen xaaladda cakiran ee doorashooyinka dalka, iyo sida loo heli karo xal waara oo ka turjumaya rabitaanka shacabka.
Shirkan la filayo inuu dhaco ayaa noqon doona fursad kale oo mucaaradku isku afgartaan mowqif mideysan, iyadoo ay socdaan dadaallo diblomaasiyadeed iyo kulamo hoose oo ay hormuud u yihiin hoggaamiyeyaashii hore ee dalka.
Waxaa la filayaa in maalmaha soo socda ay sii kordhaan kulamada siyaasadeed, iyadoo muqdisho ay markale noqotay xarunta isku dhaca aragtiyaha siyaasadeed ee dalka.
