Wasaarada difaaca ee Xukuumadda Somaliland oo ka hadashay dagaalkii shalay ku dhexmaray ciidamadeeda iyo kuwa SSC-Khaatumo deegaanka Dhuumadare ee gobolka Sanaag, ayaa sheegtay in uu dhacay kadib markii maleeshiyaad hubeysan oo ku sheegtay in ay taageerto Soomaaliya ay weerar ku qaadeen dad xoolo-dhaqato ah, waa sida iyagu ay sheegeen.
War qoraal ahย oo kasoo baxay Wasaaradda Gaashaandhigga Somaliland ayaa lagu sheegay in Raโiisul Wasaaraha Soomaaliya, Xamse Cabdi Barre, oo dhawaan socdaal ku tagay magaalada Laascaanood, uu lahaa abaabulka dagaalkan, si uu khalalaase uga abuuro gudaha Somaliland.
โFicillada noocan ahi waxay khatar ku yihiin amniga gobolka, waxayna ka hor imanayaan mabaadiโda madaxbannaanida iyo xidhiidhka derisnimo, Xilli ay Somaliland hormuud ka tahay nabadda iyo iskaashiga Geeska Afrika, kicintan colaadeed waxay wiiqaysaa dadaallada nabaddaโ ayaa lagu yidhi warsaxaafadeedka.
Sidoo kale , waxay beesha caalamka ugu baaqday in ay la socdaan xiisaddan soo cusboonaatay, islamarkaana ay qaadaan tallaabooyin lagu xakameynayo.
