Ciidanka Xoogga dalka iyo kuwa deegaanka ee ku sugan Gobolka Shabeellaha Dhexe ayaa waxaa ay wadaan howlgallo saf balaaran ah kuwaas oo ka dhan ah maleeshiyaadka Al-shabaabka ee ku dhuumaaleysaneysa deegano ka tirsan gobolkaas.
Taliyaha Ciidanka Dhulka ee Xoogga Dalka General Sahal Cabdullaahi Cumar oo jiida hore furimaha dagaalka ee ku sugan ayaana wada dardar galinta howlgalka lagu ciribtirayo Khawaarijta, iyagoona geesiyaasha Xoogga Dalka iyo xaq u dirirka deegaanka ku bogaadiyay guulaha ay cadowga ka gaareen maalmihii lasoo dhaafay.
Maleeshiyaadka Al-Shabaab ayaa xiligaan wajaheysa culeys weyn, kadib markii guluf dagaal iyo duqeymo culus lagu garaacay meelaha ay ku dhuumaaleystaan kooxda.
