Ugu yaraan 11 qof ayaa ku dhintay toogasho wadareed ka dhacday hoteel ku yaalla dalka Koonfur Afrika.
Afar iyo toban qof oo kale ayaa ku dhaawacmay kadib markii dabley hubeysan ay weerar ku qaadeen goob uu ka dhacayay shir oo ku taal magaalada Saulsville ee galbeedka magaalada caasimadda ah ee Pretoria subaxnimadii Sabtida. Ilmo saddex jir ah ayaa ka mid ah dadka dhintay.
“Ugu yaraan saddex nin oo hubaysan oo aan haybtooda la garanayn ayaa galay hudheelkan oo ay koox dad ahi wax ku cabayeen, waxayna bilaabeen inay si aan kala sooc lahayn u toogtaan,” afhayeenka bilayska Athlenda Mathe ayaa sidaa yiri.
Lama oga sababta ka dambeysay toogashadan, mana jirto cid loo soo qabtay. Waa falkii ugu dambeeyay ee toogasho wadareed oo gilgilay dalka ay dambiyada ka dhaceen sanadihii u dambeeyay.
