Madaxweynaha Mareykanka Donald Trump ayaa Xuutiyiinta Yemen u magacaabay Urur Argagixiso Shisheeye (FTO).
“Dhaqdhaqaaqyada Xuutiyiinta waxay khatar ku yihiin ammaanka rayidka iyo shaqaalaha Mareykanka ee ku sugan Bariga Dhexe, badqabka saaxiibadayada gobolka ee ugu dhow, iyo xasilloonida ganacsiga baddaha caalamka,” ayaa lagu yiri amarka fulinta.
Hay’adda Maraykanka ee Horumarinta Caalamiga ah (USAID) waa in ay joojisaa xiriirka ay la leedahay la-hawlgalayaasheeda kuwaas oo lacago siinaya hay’adaha Xuutiyiinta ama “dadaallada lagu dhaleeceeyey ee lagaga hortagayo” kooxda ay Iran taageerto, taas oo saamayn karta hay’adaha samafalka ee Yemen.
Madaxweynihii hore ee Joe Biden ayaa ka saaray liiska aragagaxisada sanadka 2021, isagoo sabab uga dhigay baahida loo qabo in la yareeyo mid ka mid ah xasaradaha bini’aadantinimo ee ugu xun aduunka.
Dalka Yemen waxaa halakeeyay dagaallo sokeeye oo sii xoogeystay kaas oo bilowday 10 sano ka hor, markii Xuuthiyiinta ay kala wareegeen gacan ku haynta waqooyi-galbeed ee dalkaas dowladda caalamku aqoonsan yahay, waxaana soo farageliyay xulafada Sacuudiga uu hoggaamiyo oo Mareykanka taageero.
