Trump oo Mamnuucay Socdaalka Muwaadiniinta 12 Waddan Sababo la Xiriira Amniga

Madaxweynaha Mareykanka Donald Trump ayaa si rasmi ah u saxiixay go’aan cusub oo mamnuucaya muwaadiniinta 12 dal inay u safraan Mareykanka, sababo la xiriira khataro amni oo la sheegay inay ka imaan karaan waddamadaas. Go’aankan ayaa lagu shaaciyay bayaan ka soo baxay Aqalka Cad, wuxuuna dhaqan galayaa Isniinta 9-ka June.

Waddamada laga mamnuucay socdaalka ayaa kala ah: Afghanistan, Myanmar, Chad, Jamhuuriyadda Dimuqraadi ah ee Congo, Equatorial Guinea, Eritrea, Haiti, Iran, Libya, Somalia, Sudan, iyo Yemen.

Sidoo kale, xayiraado amni oo dheeraad ah ayaa lagu soo rogay muwaadiniinta toddoba waddan oo kale oo kala ah: Burundi, Cuba, Laos, Sierra Leone, Togo, Turkmenistan, iyo Venezuela. Dadka ka imaanaya dalalkan waxaa lagu samayn doonaa baaritaanno adag, halka qaarna gebi ahaanba laga joojin karo gelitaanka Mareykanka marka laga reebo xaalado gaar ah.

Afhayeenka Aqalka Cad, Abigail Jackson, ayaa sheegtay in go’aankan uu qeyb ka yahay dadaallada Madaxweynaha si uu uga hortago khataraha shisheeye. “Madaxweyne Trump waxa uu oofiyay ballan-qaadkiisii ahaa in uu Maraykanka ka ilaaliyo wakiilada ajnabiga ah iyo kuwa u soo gala si ay dhibaato noogu geystaan,” ayey tiri.

Trump ayaa sheegay in go’aankani jawaab u yahay weerarro argagixiso oo dhowaan dhacay, isaga oo tusaale u soo qaatay dhacdo argagixiso oo ka dhacday magaalada Boulder, Colorado, halkaas oo nin lagu magacaabo Mohamed Sabry Suleiman uu weerar ku qaaday isu-soo bax lagu taageerayay Israa’iil. Ninkan oo haystay fiisaha dalxiiska sannadkii 2022, ayaa codsaday magangelyo balse uu ku sugnaa dalka xilli uu fiisihiisu dhacay.

Trump ayaa dhaleeceeyay siyaasadda socdaalka Madaxweyne Joe Biden, isaga oo ku eedeeyay in ay ahayd “albaab furan” oo keenay “malaayiin sharci-darro ah” inay dalka soo galaan.

Go’aankan cusub ayaa dib u xasuusinaya amarkii muranka dhaliyay ee Trump ku saxiixay sanadkii 2017, kaas oo mamnuucay socdaalka dadka ka imanayay 7 dal oo Muslimiin u badnaa.

WARARKII KALE

Dhageyso Warka Habeenimo Ee Radiojowhar 09 11 2026

Halkaan hoose ka Dhageyso Warka Habeenimo Ee Radiojowhar Warka...

Kheyre oo digniin culus u diray saraakiil uu ku eedeeyay dhul-boob iyo barakicin ka socda degmada Dayniile

Ra’iisul Wasaarihii hore ee Soomaaliya, Xasan Cali Kheyre, ayaa...

Midowga Afrika iyo EU oo ka digay burburka AUSSOM iyo dib-u-dhaca dagaalka Al-Shabaab

Midowga Afrika iyo Midowga Yurub ayaa walaac xooggan ka...

QOOR QOOR “Lafta-gareen waa la xiriiraynnaa, wafdina waa u diraynnaa”

Madaxweynihii hore ee Galmudug, Axmed Cabdi Kaariye (Qoor Qoor),...

Odawaa oo MW Xasan Sheekh ku eedeeyay xiisadaha Lafta-gareen iyo Ugaas Yuusuf

Xildhibaan Cabdiraxmaan Odawaa ayaa Madaxweyne Xasan Sheekh Maxamuud ku...

Ugaaska Beesha Murusade oo dadkiisa ugu baaqay inay is difaacaan

Ugaaska Beesha Murusade, Ugaas Cabdirisaaq Ugaas Cabdullaahi Ugaas Xaashi,...

NAGU SOO BIIR

16,000FansLike
523FollowersFollow
352SubscribersSubscribe

Latest Articles