Madaxweynaha dalka Mareykanka Donald Trump ayaa weerar afka ah ku qaaday Ilhaan Cumar oo ka tirsan Aqalka Kongreska Maraykanka, kadib markii dhawaan ay Ilhaan dhaleeceysay adeegsiga maamulka Trump ee militariga, iyadoo sheegtay in Mareykanka uu isu beddelayo “mid ka mid ah dalalka ugu xun dunida.”
Ilhan ayaa ka hadlaysay Markaas ciidamada ilaalda Qaranka Mareykanka oo loo daad gureyay Los Angeles oo ay xilligaa ka socdeen mudaharaadyo looga soo horjeedo qabqabshada soo galootiga ee mamaulka Trump uu wado.
Haddaba isaga oo hadlkaas ka jawaabayay madaxweyne Trump:
“Ilhaan Cumar, oo mar walba ka cabata dalkeena, dalka fashilmay ee ay ka timid Ilhan ma laha xukuumad, wuxuu la daalaa dhacayaa dambiyo iyo saboolnimo, waxaana lagu tiriyaa dalalka ugu liita adduunka, haddii xitaa la qiimeeyo,”.
Ma ahan markii ugu horreysay ee Trump uu dalka Soomaaliya ku tilmaamo meel aan dowladi ka jirin, horey ayuu mar ugu sheegay dal aan kala dambeyn iyo ciidan laheyn.
