Wasiirka Arrimaha Dibadda ee Turkiga, Hakan Fidan, ayaa si cad u muujiyay sida dalkiisu uga goโan tahay taageerada uu siiyo Soomaaliya, isagoo wareysi uu siiyay majalladda Jeune Afrique ku adkeeyay doorka muhiimka ah ee Turkigu ka ciyaarayo la-dagaallanka argagixisada iyo xoojinta amniga dalka.
Wasiir Fidan ayaa ku tilmaamay Soomaaliya dal istiraatiiji ah oo muhiim u ah istaraatiijiyadda Turkiga ee gobolka, isagoo carrabka ku adkeeyay in Ankara ay ka goโan tahay inay ka taageerto nabadeynta, dib-u-dhiska, iyo dagaalka lagula jiro Al-Shabaab.
Isagoo ka hadlayay xiriirka labada dal, ayuu sheegay inuu yahay mid qoto dheer oo istiraatiiji ah, islamarkaana Turkigu uu sii wadi doono taageerada dhinacyada difaaca, gargaarka baniโaadantinimo, iyo horumarinta dhaqaalaha. Wuxuu sidoo kale xusay in Turkigu si dhow ula shaqeeyo Dowladda Federaalka Soomaaliya si loo xoojiyo awoodda ciidamada iyo hayโadaha sirdoonka.
Hadalkan ayaa imaanaya xilli dhowaan Turkigu uu shaaciyay heshiis cusub oo iskaashi difaac ah oo uu la galay Soomaaliya. Heshiiskaasi waxa uu ka kooban yahay tababarka ciidamada, dhismaha kaabayaal ciidan, iyo bixinta qalab muhiim u ah dagaalka lagula jiro argagixisada.
Taageerada joogtada ah ee Turkiga ayaa noqotay tiir-dhexaad muhiim u ah dadaallada Soomaaliya ay ugu jirto xasillooni buuxda, iyadoo Ankara ay noqotay saaxiib istiraatiiji ah oo la isku halleyn karo.
