Wasiir ku-xigeenka Wasaaradda Beeraha iyo Waraabka Hirshabelle, Mudane Maxamed Bashiir Qaasim Daqare, ay wehelinayaan qaar kamid ah shaqaalaha Wasaaradda, ayaa booqdeen Beerta Tijaabada ee Wasaaradda Beeraha iyo Waraabka Hirshabelle. Wasiirku aya mid mid u dul istaagay dalagyo bislaaday ee tijaabada abuurka iyo kuwo cusub.
Sidoo kale, Wasiir ku-xigeenka iyo xubno ka socday hay’adaha caalamiga ah ee NRC – Norwegian Refugee Council, ayaa dhagax-dhigay xarun beer-abuur (Nursery) oo laga dhex dhisi doono Beerta Tijaabada ee Wasaaradda.
Mashruucani wuxuu qeyb ka yahay dadaallada lagu horumarinayo cilmi-baarista beeraha iyo kor u qaadista dhaqamada waara ee beeralayda, iyada oo la abuurayo goob lagu tababaro, lagu kori karo abuurka, laguna dhiirrigelinayo hal-abuurka dhanka beerashada.
