Booliska Cumaan ayaa sheegay in afar qof lagu dilay rasaas masjid ku yaal Wadi al-Kabeer oo u dhow caasimadda Masqad.
Ma jirto cid sheegatay weli mas’uuliyadda weerarka. Muuqaallo la soo dhigay baraha bulshada yaaa lagu arkayay rasaas la ridayo iyo dad cararaya. Boolisku waxay sheegeen in ay baarayaan.
Qoraal ka soo baxay booliska ayaa lagu sheegay in dad badan oo goobta joogay ay dhaawacmeen. Wararka waxay sheegayaan in dadka cibaadeysanayay ay isugu yimaadeen xuska Cashuura. Weerarada ceynkan ah waa wax aan ka dhicin Cumaan.
Safaaradda Mareykanka ee Masqad ayaa joojisay dhammaan ballamaha dadka fiisaha doonaya. Sidoo kale waxay u sheegeen muwaadiniinta Mareykanka in ay feejignaadaan.
Sanadkasta malaayiin Muslimiinta Shiicada ayaa ka qeybgalaya munaasabadda Cashuura. Shiicada ku nool Cumaan waa laga tiro badan yahay
