Xildhibaan Cabdiraxmaan Cabdishakuur Warsame ayaa qoraal uu soo saaray kaga hadlay xaaladda dagaal ee ka taagan deegaannada Hirshabelle, isagoo hoosta ka xariiqay in shacabka Soomaaliyeed si dhow indhaha ugu hayaan sida ay madaxda dowladda federaalku masuuliyad uga muujiyaan gurmadka iyo garab istaagga dagaalka lagula jiro kooxda argagixisada Al-Shabaab.
Xildhibaanku wuxuu tilmaamay in dagaalkani uu yahay dagaal jiritaan, islamarkaana kooxda argagixisada ay doonayaan inay jebiyaan adkaysiga iyo ruuxda dagaal ee beesha, taas oo ay uga aar-gudanayaan guulihii horey loogu gaarey dagaalladii lagula galay.
โDowladdu waa in ay si degdeg ah ugu gurmataa shacabka dagaalka ku jira โ ciidamo, saanad, iyo taageero walba oo suuragal ah,โ ayuu yiri Xildhibaan Cabdiraxmaan Cabdishakuur. Wuxuu sidoo kale bogaadiyay isku tashiga iyo abaabulka deegaanka, isaga oo ku dhiirrigeliyay in la laban-laabo dadaalka iyo in la furo akoonno taakulo ah, si shacabka Soomaaliyeed ay gacan uga geystaan difaaca dalka iyo dadkooda.
Xildhibaanku wuxuu baaq u diray deegaannada iyo beelaha dariska la ah Beelaha ka soo jeeda Hiiraan, isagoo ugu yeeray inay u gurmadaan walaalahooda: โDifaaca dalka iyo deegaanka waa waajib, hana sugin inta cadowgu kuu imaanayo gurigaaga.โ
Ugu dambeyn, wuxuu Alle uga baryay inuu u naxariisto shuhadadii ku dhimatay dagaalkii ka dhacay deegaanka Mubaax iyo nawaaxigeeda, isagoo caafimaad degdeg ah u rajeeyay dhaawacyadii ka dhashay weeraradaasi.
