Diyaarad ay leeyihiin militariga Suudaan ayaa ku burburtay gobolka Omdurman Xalay, waxaana ku dhintay dhowr rakaab ah iyo askar, sida lagu sheegay warbixin ay qortay wakaaladda wararka ee Suna.
Isagoo aan bixin faahfaahin dheeri ah, afhayeenka milaterigu wuxuu sheegay in diyaaraddu ay burburtay xilli ay doonaysay inay ka kacdo garoonka diyaaradaha ee Waadi Seidna.
“Waxaan helnay meydad iyo dhaawacyo badan oo isugu jira ciidan iyo shacab, dadkii dhaawacmay waa la daweeyay, ciidamada dabdamiska ayaana damiyay dabkii ka kacay deegaanka Al-Iskan” ayaa lagu yiri warsaxaafadeedka.
Ilo-wareedyo ciidan ayaa sheegay in shilkan uu ka dhashay cilad farsamo, isla markaana ay jireen saraakiil sare sare oo ka mid ahaa dadka saarnaa diyaaradda.
