Venezuela oo diyaarisay qorshe dagaal oo looga hortagayo duullaan Mareykanka

Wakaaladda wararka ee Reuters ayaa ku warrantay in dowladda Venezuela ay diyaarisay qorshe dagaal oo ballaaran, kaas oo loogu talagalay inay kaga hortagto duullaan suurtagal ah oo ay ka cabsi qabto in Mareykanku ku qaado dalkooda.

Wararka ayaa sheegaya in ciidamo badan lagu daadiyay gobollada kala duwan ee Venezuela, gaar ahaan meelaha istaraatiijiga ah, iyadoo la diyaariyay guutooyin khaas ah oo ku takhasusay dagaalka dhuumaalaysiga  “ku dhufo oo ka dhaqaaq”, si ay u fuliyaan weerarro aan joogto ahayn haddii ciidanka Mareykanka ay gudaha u soo galaan dalka.

Saraakiil amni oo ka tirsan dowladda Venezuela ayaa sheegay in dalkoodu uusan awoodin dagaal toos ah oo fool-ka-fool ah la galo Mareykanka oo ah quwad ciidan oo aad u awood badan, balse ay doorteen xeelad dagaal oo dhinaca dhulka iyo dadka deegaanka ku saleysan, taas oo lagu carqaladeynayo isku day kasta oo Mareykanku ku doonayo inuu nidaam taageersan Washington ka dhiso gudaha Venezuela.

Ilo diblomaasiyadeed ayaa sidoo kale sheegay in qorshahan uu qayb ka yahay xeelad difaac qaran oo uu Madaxweynaha Venezuela, Nicolás Maduro, amray kadib markii uu ku eedeeyay Mareykanka inuu “ku jiro qorshe lagu faragelinayo arrimaha gudaha ee Caracas.”

Tallaabadan ayaa imaneysa xilli xiisad siyaasadeed iyo mid amni ay ka taagan tahay gobolka Latin America, iyadoo Venezuela ay mar kale ku adkaysanayso in aysan aqbaleyn “cadaadis shisheeye” ama isku day kasta oo lagu doonayo in la beddelo hoggaankeeda.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles