Farmaajo oo muddo seddex sano ah kadib dib ugu soo laabtay dalka

Madaxweynihii hore ee Soomaaliya Maxamed Cabdullaahi Farmaajo ayaa maanta dib ugu soo laabtay magaalada Muqdisho, kaddib muddo saddex sano ka badan oo uu ku sugnaa dalka Qatar.

Farmaajo ayaa la xaqiijiyay in uu diiday in si rasmi ah loogu soo dhaweeyo garoonka diyaaradaha Aadan Cadde, isagoo doorbiday in uu si toos ah ugu laabto hoygiisa magaalada Muqdisho. Taageerayaashiisa iyo siyaasiyiin ku dhow ayaa halkaas ku qaabilay.

Soo laabashadiisa ayaa imaneysa iyadoo uu dhowaan ku sugnaa dalka Turkiga, halkaas oo uu kulamo siyaasadeed kula yeeshay kooxdiisa iyo siyaasiyiin kala duwan.

Dib u imaanshaha Farmaajo ayaa loo arkaa mid calaamad u ah bilowga olole cusub oo uu kaga qaybgalayo isbeddellada siyaasadeed ee dalka, gaar ahaan diyaarinta doorashooyinka la filayo.

Waxaa la filayaa inuu Muqdisho ka bilaabo kulamo wadatashi iyo siyaasadeed uu la yeelan doono madax mucaarad ah, xildhibaano iyo aqoonyahanno taageersan aragtidiisa siyaasadeed.

Imaanshihiisa ayaa si dhow loogu eegayaa saameynta ay ku yeelan karto xaaladda siyaasadeed ee dalka, gaar ahaan xiriirka uu la yeelan doono Villa Soomaaliya, iyo sida ay arrintaasi u beddeli karto miisaanka mucaaradka.

Soo laabashada Farmaajo waxay ku soo beegan tahay xilli uu isa soo tarayo isbaheysiga uu hoggaaminayo Cabdi Faarax Shirdoon (Saacid), oo xiriir dhow la leh Farmaajo, taasoo sare u qaadeysa xiisadda iyo tartanka siyaasadeed ee dalka.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles