Madaxweynaha Jamhuuriyadda Federaalka Soomaaliya, Xasan Sheekh Maxamuud, oo maanta ka hadlayay magaalada Muqdisho, ayaa si cad u xaqiijiyay in kooxaha argagixisada ay qaateen Kaarka Aqoonsiga Qaranka, taas oo hay’adaha amniga ay ku wargeliyeen madaxtooyada.
Madaxweynaha ayaa sheegay in inkastoo ay yihiin muwaadiniin argagixiso noqday, haddana aysan jirin sharci xannibaya helitaanka kaarka aqoonsiga, maadaama uusan kaarkaasi kala saareyn qof dembiile ah iyo qof aan dembi lahayn—balse uu u dhigmaayo aqoonsi muwaadin.
Hadalka Madaxweynaha ayaa yimid xilli Puntland iyo Jubbaland ay horey u shaaciyeen in aan lagu kalsoonaan karin sugnaanta kaarka, isla markaana ay si rasmi ah u qaadaceen.
