Madaxweynihii hore ee Soomaaliya Shariif Sheekh Axmed iyo Ra’iisulwasaarihii hore ee dalka Maxamed Xuseen Rooble ayaa la sheegay in laga celiyey inay gudaha u galaan Xeyndaabka Xalane si ay halkaa uga qeybgalaan kulan gaar ah oo ay yeelan lahaayeen Golaha Mustaqbalka Soomaaliyeed oo ay ku jiraan madaxda Jubbaland iyo Puntland.
Illaa hadda lama oga sababta rasmiga ah ee ka dambeysa in masuuliyiintan laga celiyo kolonyadooda inay gudaha u galaan gudaha Airport-ka Muqdisho oo ay daganyihiin Saciid Deni iyo Axmed Madoobe, madaxweynayaasha Puntland iyo Jubbaland.
Xubnaha madasha samata-bixinta Soomaaliyeed ayaa haatan kulan ku leh guriga madaxweynihii horre ee dalka Shariif Sheikh Ahmed.
“Waddo la xiro, diyaarad la celiyo, madax la horjoogsado, mukeyf la dansado iyo musqulo la xirto ma ahan dhaqan u fiican dowladnimada, waxayna tusaale u tahay niyad xumida hoggaanka maanta” Koofi Aadan
