Baarlamaanka Federaalka Soomaaliya ayaa si rasmi ah u meelmariyey wax-ka-beddelka iyo dhammaystirka Dastuurka Jamhuuriyadda Federaalka Soomaaliya, sida uu ku dhawaaqay Guddoomiyaha Golaha Shacabka, Aadan Maxamed Nuur (Aadan Madoobe).
Guddoomiyuhu wuxuu sheegay in laga bilaabo maanta uu dhaqangal yahay dastuurka la dhammaystiray, kadib cod ay u qaadeen xildhibaannada labada aqal.
Fadhiga maanta waxaa goobjoog ka ahaa 185 mudane oo ka tirsan Golaha Shacabka iyo 37 mudane oo Aqalka Sare ah, kuwaas oo ansixiyay qodobada wax-ka-beddelka.
Dhinaca kale, maamul goboleedyada Puntland iyo Jubbaland, iyo sidoo kale qaar ka mid ah mucaaridka siyaasadda ee ku sugan Muqdisho, ayaa horey u qaadacay geeddi-socodka dhammaystirka dastuurka, iyagoo ku tilmaamay mid aan loo dhammayn si loo dhan yahay isla markaana aan lagu salayn wadatashi buuxa.
