Xildhibaano ka tirsan BFS ee laga soo doortay deegaanada Koofur Galbeed Soomaaliya ayaa si adag uga falceliyay go’aankii ka soo baxay maamulkaasi ee lagu jaray xiriirka uu la lahaa Dowladda Federaalka Soomaaliya, sida lagu sheegay qoraalka ka soo baxay.
Sidoo kale, waxay eedeyn u jeediyeen hoggaanka maamulka Koofur Galbeed, gaar ahaan madaxweyne Cabdicasiis Xasan Maxamed Laftagareen, iyagoo ku eedeeyay inuu ku kacay falal ka dhan ah xuquuqda aadanaha, isla markaana uu wiiqay nidaamka dimuqraadiyadeed iyo dowladnimada.
“Dowladda federaalka Soomaaliya waxa aan ugu baaqeynaa inay si degdeg usoo farageliso arrimaha ka taagan dowlad goboleedka koonfur galbeed Soomaaliya maadaama firaaq maamul uu halkaasi kajiro degdegna ugu qabataa doorasho dadka deegaanku heshiis kuyihiin si loo ilaaliyo nidaamka dowladnimo iyo amniga deegaanada.”ayaa lagu yiri qoraalka.
