Taliska Ciidanka Boliiska Soomaaliyeed ayaa magacaabay Taliyaha Qeybta Boliiska Gobolka Baay ee Dowlad Goboleedka Koofur Galbeed, Gaashaanle Dhexe. Sadiiq Aadan Cali (Duudishe)
Sidoo kale, waxaa Taliyaha Saldhigga Boliiska Degmada Baydhabo Loo magacaabay Gaashaanle Dhexe Aadan Maxamed Axmed (Moora-gaabeey) , kaasi oo horey u ahaa Taliyihii Taraafikada ee Gobolka Baay.
Magacaabista ayaa ugu sii dari karta xiisada ka taagan magaalada Baydhabo, gaar ahaan mida u dhexeysa dowladda Soomaaliya iyo maamulka Koofur galbeed.
Talaabadan ayaa imaanaysa kadib markii shalay madaxweyne Cabdi Casiis Xasan Maxamed Laftagareen uu isna magacaabay Taliyaha qeybta Booliska Gobolka Baay ee maamulka Koofur Galbeed.
Labada dhinac ee dowladda Dhexe iyo Koofur Galbeed ayaa wada abaabul siyaasadeed iyo Milateri, kaasi oo ay midba midkale doonayo inuu la wareego gacan ku haynta Deegaanada Koofur Galbeed.
