Dowladda Soomaaliya ayaa ku guul dareysatay inay wax ka qabato xiriirka sii xoogeysanaya ee u dhexeeya Soomaaliland iyo Israa’iil, xilli maanta madaxweynaha Soomaaliland Abdirahman Mohamed Abdullahi Irro uu la kulmayo madaxweynaha Israa’iil, Isaac Herzog.
Madaxweynaha Somaliland Cabdiraxmaan Cirro iyo dhiggiisa Israa’iil Isaac Herzog ayaa ku kulmaya aqalka madaxtooyada, waana markii labaad ee ay is arkaan labada dhinac, iyadoo la filayo inay si wadajir ah ula hadlaan warbaahinta.
Madaxweyne Hassan Sheikh Mohamud ayaa dhawaan sheegay in Somaliland aysan helin aqoonsi rasmi ah, isla markaana ay jiraan warar “been abuur” ah oo laga faafinayo arrimaha aqoonsiga.
Wararka ayaa sheegaya in Cirro uu Israa’iil u tagayo furitaanka safaarad ay Somaliland ku yeelanayso magaalada Qudus ee la isku hayo.
Sidoo kale, Madaxweynaha Somaliland ayaa Isniinta kulamo muhiim ah la qaadan doona Ra’iisul Wasaaraha Israa’iil, Benjamin Netanyahu, iyo Wasiirka Arrimaha Dibadda Israa’iil, Gideon Sa’ar, iyadoo la filayo inay heshiisyo cusub kala saxiixdaan.
Booqashadan ayaa culeys weyn ku noqon karta dowladda uu hoggaamiyo Madaxweyne Xasan Sheekh, lamana oga sida ay Dowladda Federaalka Soomaaliya uga falcelin doonto xiriirka sii xoogeysanaya ee u dhexeeya Somaliland iyo Israa’iil.
