Wararka ka imanaya degmada Mahaday ayaa sheegaya in hal ruux uu ku geeriyooday 9kalana ay ku dhaawacmeen kadib markii gaari ay saarnaayeen ay miino kula qaraxday meel u dhexeysa degmada Mahaday iyo garoonka diyaaradaha magaalada Jowhar.
Gaarigan oo noociisu ahaa Noah  ayaa ka yimid magaalada Mahadaay ee Gobolka Shabellaha Dhexe iyadoo ay saarnaayeen qaar ka mid ah shaqaale muruqmaal ah oo ka xoogsada saldhig ay ciidamada nabad ilaalinta UNSSOM ku leeyihiin garoonka diyaaradaha Maxamed Dheere.
Saddex ka mid ah dadka ku dhaawacmay qaraxa miinadan ayaa waxaa soo gaaray dhaawac culus halka dadka kale dhaawacoodu uu fudud yahay.
