Madaxweynaha Soomaaliya, Xasan Sheekh Maxamuud, ayaa Muqdisho kulan kula qaatay Wasiirka Boqortooyada Midowday ee UK u qaabilsan Horumarinta Caalamiga ah iyo Afrika, Kirsty McNeill, oo booqasho ku timid Soomaaliya.
Kulanka ayaa diiradda lagu saaray arrimo ay labada dhinac wadaagaan, iyadoo si gaar ah looga hadlay mudnaanta iyo danaha Soomaaliya iyo UK.
Madaxweyne Xasan Sheekh iyo Wasiir Kirsty McNeill ayaa sidoo kale ka wada hadlay fursadaha lagu sii xoojin karo iskaashiga laba-geesoodka ah ee u dhexeeya Soomaaliya iyo Boqortooyada UK.
Kulankan ayaa kusoo beegmaya xilli Soomaaliya ay waddo dadaallo lagu xoojinayo xiriirka iyo iskaashiga ay la leedahay dalalka caalamka, gaar ahaan dhinacyada horumarinta, amniga iyo taageerada hay’adaha dowladda.
