Afhayeenka wasaaradda arrimaha dibadda ee Iran Ismaaciil Bagaei, ayaa ku dhawaaqay in wasiirka arrimaha gudaha Pakistan, Mohsen Naqvi, uu Axadda u safri doono Tehran.
Wuxuu sheegay in booqashadu ay noqon doonto kulan diiradda saaraya xiriirka labada dal iyo heshiisyadii hore ee labada dhinac. Waxa kale oo uu sheegay inuusan ka warqabin farriin ama soo-jeedin gaar ah oo ka timid Maraykanka oo la qorsheeyay in loo gudbiyo dhinaca Iran inta lagu guda jiro booqashada.
Hase yeeshee, kulankan ayaa dhacaya xilli Tehran ay shuruudo ku xirtay dib-u-bilaabidda wadaxaajoodyada ay la yeelanayso Washington, iyadoo colaadaha ay weli socdaan, xiisadaha gobolka na ay sii kordhayaan.
Mohsen Rezaei, xoghayaha Golaha Sare ee Amniga Qaranka Iran, ayaa Al Jazeera u sheegay in Tehran ay shuruudaheeda ku aaddan wadaxaajoodyada u gudbisay Maraykanka iyada oo adeegsanaysa dhexdhexaadiyayaal ka socda Qatar iyo Pakistan, ayna hadda “sugayso jawaabta Madaxweyne Trump.”
