MW Xasan Sheekh oo ku wajahan Itoobiya

Madaxweynaha Soomaaliya Xasan Sheekh Maxamuud ayaa maanta ku wajahan magaalada Addis Ababa ee caasimadda Itoobiya, halkaas oo la filayo inuu kulan fool-ka-fool ah kula yeesho Ra’iisul Wasaaraha Itoobiya Abiy Axmed.

Kulanka labada hoggaamiye ayaa ku soo aadaya xilli gobolka Geeska Afrika uu wajahayo xaalado amni iyo siyaasadeed oo xasaasi ah, gaar ahaan dhacdadii dhowaan ka dhacday degmada Doolow ee gobolka Gedo, taas oo dhaawac kasoo gaaray Janaraal Mahad Cabdiraxmaan, oo loo yaqaan Taliye Shub.

Dhacdada Doolow waxaa weli ka taagan warar iyo eedeymo kala duwan oo ku saabsan nooca weerarka iyo cidda ka dambeysay. Dowladda Federaalka Soomaaliya ayaa hore u sheegtay in qaraxa uu ka dhashay walxaha qarxa oo gudaha guriga lagu diyaarinayay, halka dhinaca Jubaland iyo Janaraal Shub ay sheegeen in guriga lagu weeraray gantaallo.

Warar kale ayaa sheegay in saraakiil dhinaca sirdoonka ah oo ka kala socday Itoobiya iyo Kenya ay tageen goobta uu ku yaallay guriga Janaraal Shub, halkaas oo ay baaritaan ku sameeyeen burburka iyo haraaga la sheegay in uu ka dhashay weerarka.

Sidaas darteed, arrinta Doolow ayaa la filayaa inay kamid noqoto qodobada xasaasiga ah ee laga wada hadli karo, maadaama degmada Doolow ay ku taallo xadka Soomaaliya iyo Itoobiya, iyadoo dhacdadu ay yeelan karto saameyn dhinaca amniga iyo xiriirka labada dal ah.

Dhanka kale, ajendayaasha kulanka Xasan Sheekh iyo Abiy Axmed ayaa la filayaa inay ku saabsan yihiin xoojinta xiriirka Soomaaliya iyo Itoobiya, xaaladda amniga, iskaashiga dhaqaalaha, la dagaallanka maleeshiyaadka Al-Shabaab iyo arrimaha guud ee Geeska Afrika.

Itoobiya iyo Soomaaliya ayaa horey u yeeshay kulamo heer sare ah oo looga hadlay xoojinta xiriirka labada dal, gaar ahaan dhinacyada dhaqaalaha, amniga iyo xasilloonida gobolka.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles