Ra’iisul Wasaaraha XFS oo soo xiray Madasha Ganacsiga Soomaaliya iyo Midowga Yurub

Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa galabta ka qeyb-galay xiritaanka Madasha Ganacsiga Soomaaliya iyo Midowga Yurub ee (EU-Somalia Business Forum 2026) oo labo maalin ah ka socotay caasimadda Muqdisho, taasi oo ay isugu yimaadeen Bah-wadaagta Horumarinta, Hay’adaha Maaliyadeed iyo Ganacsiga gaarka loo leeyahay ee ka jira Soomaaliya iyo Yurub.

Ra’iisul Wasaaraha Xamsa Cabdi Barre, ayaa sheegay in Soomaaliya ay maanta diyaar u tahay in adduunyadu maalgashi ku samayso khayraadkeeda dihan ee istaraatiijiga ah, iyada oo laga faa’ideysanayo meesha ay ku taallo ee muhiimka ah iyo nabadda ka hirgashay guud ahaan dalka.

“Soomaaliya waxa ay diyaar u tahay in ay dhahdo cid walba oo doonaysa in ay dalkaan ka faa’ideysato, nala saaxiibto, nala qaadato amniga iyo midnimada dalkeenna, gacmo furan kusoo dhawaada. Marka aan sidaas leennahay waxa aan aaminsannahay in aan soo buuxinay shuruudihii lagu maalgashan laha Soomaaliya”. Ayuu yiri Ra’iisul Wasaare Xamsa Cabdi Barre.

Ra’iisul Wasaaraha ayaa xusay in Xukuumadda DanQaran ay wax badan ka qabatay amniga dalka iyo dib-u-habeynta hey’adaha Qaranka, waxa uu sheegay in dalkeennu u jihaystay horumarinta dhaqaalaha, kobcinta kaabeyaasha horumarineed iyada oo la sameeyay dhammaan shuruucdii saldhigga u ahayd hirgalinta nidaam dhaqaale oo sugan, la isku halleyn karo, isla markaana ogolaanaya in bulshada Soomaaliyeed gaarto isku filnaansho buuxa.

Mudane Xamsa Cabdi Barre, waxa uu tilmaamay in Soomaaliya ay leedahay Badda ugu dheer Afrika, Khayraad dhanka macdanta ah oo aan wali laga faa’ideysan, xoolo iyo Dhul-Beereed aad u baaxad weyn, ayna diyaar u tahay dhammaan noocyada maalgashi ee dunidu doonayso.

Ugu dambayn, Ra’iisul Wasaaraha, ayaa Midowga Yurub uga mahadceliyay doorkooda muhiimka ah iyo xiriirka saaxiibtinnimo ee ay la leeyihiin Soomaaliya iyo sida ay diyaarka ugu yihiin maalgashiga dhinacyada kala duwan, isaga oo ugu baaqay in ay faa’ideystaan fursadaha kala duwan ee ka jira dalkeenna.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles