Ciidanka Asluubta oo Xabsiga Dhexe ku qabtay maandooriye badan, lix haween ahna la xiray

Taliska Ciidanka Asluubta Soomaaliyeed ayaa maanta gacanta ku dhigay maandooriye aad u badan oo si qarsoodi ah la doonayay in lagu geliyo gudaha Xabsiga Dhexe ee Muqdisho, iyadoo howlgalka lagu soo qabtay lix haween ah oo lagu eedeeyay inay qeyb ka ahaayeen shabakad ka ganacsata maandooriyaha.

Sida lagu sheegay war kasoo baxay Taliska Ciidanka Asluubta, maandooriyaha la qabtay ayaa u badnaa kaniiniyo daroogo ah, kuwaas oo lagu qariyay raashinka loo geeyo maxaabiista xilliga booqashada ehellada.

Taliska ayaa sheegay in shabakaddan oo ka koobnayd maxaabiis, ehellada qaar ka mid ah maxaabiista iyo dad kale oo iska dhigaya inay qaraabo la yihiin maxaabiista, ay muddo laba bilood ah ku raad-joogeen hay’adaha amniga ee Ciidanka Asluubta.

Waaxda Dabagalka Dembiyada Ciidanka Asluubta, oo kaashanaysay Taliyaha Xabsiga Dhexe iyo saraakiisha maamulka xabsiga, ayaa ugu dambeyn ku guuleysatay inay gacanta ku dhigto lix haween ah oo lagu eedeeyay inay ku howlanaayeen sidii maandooriyahaasi loogu gudbin lahaa gudaha xabsiga.

Taliska ayaa sidoo kale sheegay in wax-ka-beddel lagu sameeyay habraaca booqashada maxaabiista uu suurageliyay in si wanaagsan loo xaqiijiyo xogta dadka booqashada imaanaya, gaar ahaan kuwa sheegta inay qaraabo la yihiin maxaabiista, balse aan xiriir dhab ah la lahayn.

Dhanka kale, Ciidanka Asluubta Soomaaliyeed ayaa eedeysanayaasha iyo caddeymaha la xiriira kiiska ku wareejiyay Taliska Ciidanka Booliska Soomaaliyeed, si baaritaan dheeraad ah loogu sameeyo, sharcigana loo horgeeyo.

Taliska ayaa intaas ku daray in weli lagu raad-joogo shabakado kale oo looga shakisan yahay inay ku lug leeyihiin ka ganacsiga iyo si sharci-darro ah u gelinta maandooriyaha xabsiyada dalka.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles