Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya ayaa go’aan ka soo saaray mamnuucida xubno ka tirsan Golaha Shacabka inay ka qeyb galaan fadhiyada Golaha sababo la xiriira amni. Xubnaha la mamnuucay ayaa lagu soo qoray waraaqda rasmiga ah ee lifaaqa ku jirta.
Go’aankan ayaa la gaaray ka dib markii la sameeyay qiimeyn dheeraad ah oo ku saabsan xaaladaha amniga iyo saameynta ay ku yeelan karto shaqooyinka Golaha. Guddoomiyuhu waxa uu sidoo kale ka codsaday Guddiga Xeerhoosaadka ee Golaha in ay talooyin iyo talaabooyin ku habboon soo jeediyaan, si waafaqsan Xeer-hoosaadka Golaha Shacabka.
Iyadoo laga duulayo xaaladaha amni ee jira, Guddoomiyaha ayaa hoosta ka xariiqay muhiimadda ay leedahay ilaalinta amniga xubnaha Golaha iyo adkeysiga hannaanka shaqo ee Golaha.
