Waxaa si rasmi ah u bilaabatay gudashada waajibaadka Xajka ee sannadkan, iyadoo ku-dhowaad laba milyan oo Muslimiin ah oo ka kala yimid dalalka dunida, ay maanta u guureen deegaanka barakaysan ee Mina, si ay u gutaan rukunnada waaweyn ee Xajka.
Xujeyda, oo ay ku jiraan in ka badan 11,000 oo Soomaali ah, ayaa ka dhaqaaqay hoteeladii ay degganaayeen gudaha magaalada Makka, iyaga oo degay teendhooyin si gaar ah loogu diyaariyey Mina. Berri ayaa la filayaa inay istaagaan Buurta Carafo, taasoo ah mid ka mid ah rukunnada ugu muhiimsan ee Xajka.
Maalinta xigta, oo ah Ciidda Carafo (Ciidul Adxaa), ayay xujeydu gudan doonaan acmaasha ugu weyn ee Xajka, oo ay ka mid yihiin:
Dhagax-tuurka (Jamaraat),
Xiirashada timaha,
Dawaafka Beytka (Xaramka Makka).
Kadib gudashada acmaashaas, xujeydu waxay dhowr maalmood ku sugnaan doonaan Mina iyaga oo sii wadanaya dhagax-tuurka, waxaana ay markaa bilaabi doonaan isu diyaarinta safarkooda ku noqonaya dalalkooda.
Xajka sanadkan wuxuu kusoo aadayย xilli ay cimiladu sareyso, taasoo keentay in masโuuliyiinta Sacuudiga ay kordhiyaan adeegyada caafimaadka, qaboojinta iyo gaadiidka si xujeydu ugu gutaan waajibaadkooda si nabad ah.
