Ciidanka Booliska Soomaaliya ayaa maanta soo bandhigay hub iyo agab milatari oo ay sheegeen inay kala wareegeen maleeshiyaad hubeysan oo dagaal kala hor yimid ciidamada amniga ee magaalada Muqdisho.
Afhayeenka Booliska Soomaaliyeed, Cabdi Fataax Aadan Xasan, oo warbaahinta la hadlay ayaa sheegay in dagaalka uu ka dhashay isku day ay maleeshiyaadku ku doonayeen inay ku weeraraan guri ay maxkamad sharci ah horey u xukuntay.
โSanadka 2025-ka ma ogolaaneyno in Muqdisho laga fuliyo weerarro lagu qaado guryo si sharci ah loo kala xukumay,โ ayuu yiri Afhayeenka.
Waxa uu intaasi ku daray in labo kamid ah raggii weerarka fulinayay la qabtay, halka saddex kalena ay ka fakadeen, iyadoo lagu daba jiro shaqsiyaadkii ka dambeeyay abaabulka falkaasi.
Afhayeenka Booliska ayaa si adag u cambaareeyay sida maleeshiyaadka hubeysan ay falalka amni-darro ku lugta leh ay u adeegsadaan carruur lagu dhalay guryo xoog lagu haysto.
โWaxa na dhibaateynaya ayaa ah in gaariga qaraxyada iyo miinooyinka isku xiran ay wadayaan carruur aan waxba galabsan โ kuwaas oo lagu dhashay guryo si xoog ah loo degay,โ ayuu yiri Afhayeenka.
Booliiska ayaa sidoo kale soo bandhigay qoryo iyo qalab kale oo dagaal oo ay sheegeen in maleeshiyaadkii weerarka ku lug lahaa ay ka carareen.
