War ka soo baxay Booliska Puntland ayaa lagu hadlay dagaalkii ka dhacay Magaalada Dhahar ee Gobolka Sanaag.
Ciidanka Booliska Puntland ayaa si buuxda u xakameeyay shaqaaqo shalay ka dhacday magaalada Dhahar, kadib Markii kooxo maleeshiyo hubeysan oo sharci-darro ah ay weerar ku soo qaadeen ciidamada amniga oo ka yimid deegaanka Baraagaha-Qol. Weerarkan oo laga soo abaabulay Xamar ayaa sababay Dhimasho iyo Dhaawac.
Taliyaha Qaybta Booliska Gobolka Haylaan, G/Sare Jaamac Maxamuud Gabayre, ayaa sheegay in kooxahan abaabulan ay isku dayayeen in ay carqalad ku abuuraan amniga iyo xasilloonida gobolka, hase yeesheen ciidanka booliska iyo kuwa amniga ayaa si geesinimo leh uga hortageen.
Booliska Puntland ayaa shacabka magaalada Dhahar ugu baaqay in ay la shaqeeyaan hay’adaha amniga, kana warbixiyaan cid kasta oo looga shakiyo falal amni-darro ah, iyagoo balan qaaday in ay sii wadi doonaan howlgalka sugidda nabadgelyada iyo ilaalinta sharciga
