Hay’adda Qaramada Midoobay u qaabilsan qaxootiga Falastiin, UNRWA, ayaa sheegtay in shantii carruur ah ee ku nool magaalada Gaza mid ka mid ah ay hayso nafaqo darro, tiradaasina ay sii kordhayso maalin kasta.
“Dadka Gaza ma dhiman mana noola, waa meydad lugeynaya,” madaxa UNRWA Philippe Lazzarini ayaa ku qoray bayaan uu soo saaray Khamiistii, isagoo soo xigtay saaxibidiis.
Mr. Lazzarini ayaa sheegay in hay’addu ay haysay kumannaan baabuur oo siday cunto iyo dawooyin oo sugayay inay shixnadooda geeyaan Gaza.
Waxa uu ugu baaqay Israa’iil in ay joojiso xannibaadaha ay ku hayso gargaarka bini’aadantinimo ee Gaza.
