War qoraal ah oo ka soo baxay Taliska ciidamada xoogga dalka ayaa lagu sheegay in howlgal qorsheysan oo maanta ka dhacay duleedka degmada Xudur ee gobolka horjooge sare oo ka tirsanaa Maleeshiyaadka Al-shabaab.
Howlgalka ayaa waxaa uu si gaar ah ugu dhacay deegaanka Warta Eey Duure, oo 30 km waqooyi kaga beegan magaalada Xudur, sida lagu sheegay warka.
Horjoogahan oo lagu magacaabo Cabdullaahi Abuukar Cali ayaa ka mid ahaa horjoogayaasha sare ee Khawaarijta, isagoo xilal kala duwan ka soo qabtay gobolka Bakool. Waqtigan, wuxuu Khawaarijta ugu magacaawnaa madaxa maaliyadda kooxda ee gobolka, sidoo kalena wuxuu ahaa horjoogihii u qaabilsanaa askareynta carruurta yaryar ee si qasab ah loogu daro maleeshiyaadka.
Taliska CXDS wuxuu caddeynayaa in howlgalka uu ahaa mid qorsheysan oo bartilmaameed gaar ah lagu qaaday, isla markaana lagu burburiyey shabakad Khawaarij ah oo ka howlgeli jirtay deegaankaas.
