Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya ayaa maanta ku dhawaaqi doonta natiijada Imtixaanka Qaranka ee Fasalka 12aad. War ka soo baxay Wasaaradda ayaa sheegay in galabta si rasmi ah loogu dhawaaqi doono natiijooyinka.
“Wasaaradda Waxbarashada, Hiddaha iyo Tacliinta Sare waxa ay la wadaageysaa bulshada in Natiijada Imtixaanka Shahaadiga Fasalka 12aad ee sanad-dugsiyeedka 2024/2025 markii ugu horreysay lagu soo bandhigi doono meel ka baxsan caasimadda dalka, iyadoo munaasabadda rasmiga ah lagu qaban doono magaalada Jowhar, caasimadda dowlad-goboleedka Hirshabeelle.”ayaa lagu yiri warka wasaarada waxbarashada Soomaaliya.
Kumanaan arday iyo waalidiin Soomaaliyeed oo dalka gudihiisa iyo dibaddiisa ku sugan ayaa si weyn u sugaya natiijadan, iyadoo bulshada waxbarashada ay ka filayaan in natiijadu noqoto mid cadaalad ah oo la hubiyey.
Imtixaamka ayaa waxaa lagu galay 140 Goobood,waxaana ka qeyb qaataan arday tiradooda gaaraysaa 39 kun oo arday ah.
Wasaarada waxbarashada ayaa maanta laga sugayaa in natiijada kama dambeysta ah ee ardayda gudubtay iyo kuwa ku dhacay imtixaanka.
