Ciidamada Ammaanka ee magaalada Muqdisho ayaa xiray Wasiirkii hore ee Diinta iyo Awqaafta Cumar Cali Rooble iyo Ganacsade Cali Xaaji Iimaan iyo Bulaale oo ka tirsan mucaaradka dowladda Soomaaliya.
Wararka ayaa sheegaya in laga xiray agagaarka Hotelka Global oo uu degenaa Ganacsade Cali Xaaji Iimaan.
Mas’uuliyiintaan la xiray ayaa ka mid ahaa dadkii sida weyn uga cabanayay arrintii dhulka Siinaay iyo sida ay dowladdu u maareysay, waxaana shalay ay qeyb ka ahaayeen xubnaha Mucaaradka ee lagu rasaaseeyay Saldhigga degmada Wardhiigley.
Xariggan ayaa wuxuu sii xoojinayaa xiisada ka taagan magaalada Muqdisho oo ay Mucaaradka abaabulayaan bannaan baxa Sabtida, balse ay dowladdu si weyn uga soo horjeedo inuu dhaco.
Siyaasiyiin badan ayaa cambaareeyay xariga masuuliyiintan.
Xaalad kacsanaan ah ayaa laga dareemayaa magaalada caasimadda ah ee Muqdisho, waxaana la dhowrayaa sida ay wax u dhici doonaan.
