Wararka naga soo gaaraya deegaanka Khayelitsha oo ka mid ah deegaanada hoostagta magaalada Cape town ee dalka Koofur Afrika ayaa sheegaya in Xalay halkaasi lagu dilay Muwaadin Soomaaliyeed.
Marxuumka la dilay ayaa magaciisa lagu sheegay Ismaaciil Abuukar, kaasoo ka mid ah dhalinyarada Soomaaliyeed ee sida weyn looga garanaayay deegaanada gobolka Western Cape.
Dilka muwaadinka Soomaaliyeed oo ka dhacay gudaha goob ganacsi uu ku lahaa deegaanka Khayelitsha ayaa waxaa geystay burcad hubeysan oo u dhalatay dalkaas, kuwaas oo si deg deg ah uga baxsaday goobta.
Ciidamo ka tirsan Booliiska dalka Koofur Afrika ayaa dilka kadib tagay goobta lagu dilay muwaadinka Soomaaliyeed, iyagoona halkaas ka sameeyay baaritaan kooban oo aysan ka soo bixin wax matiijo ah.
