Sunday, August 31, 2025

AKHRISO:-Soomaaliya oo 90% batroolka iyo Gaaska u saxiixday Turkiga iyo dood ka dhalatay

Heshiiskii qarsoodi ah oo u dhexeeyay dowladda Federaalka Soomaaliya iyo dowladda Turkiga, ayaa waxaa banaanka u soo baxay  qodobo dareen dhalinaya kadib markii nuqul ay heshay shabakadda caalamiga ah ee Nordic Monitor. Heshiiskan oo lagu sheegay inuu dhacay sannadkii hore, ayaa laga helay qodobo muujinaya in dalka Soomaaliya si weyn uga dhiman doono faa’iidada ka dhalan karta shidaalka iyo gaaska dabiiciga ah ee laga soo saaro biyaha baddeeda.

Warbixintu waxay sheegaysaa in kaydka shidaalka badda Soomaaliya lagu qiyaasay ilaa 30 bilyan oo fuusto oo shidaal ah iyo 6 bilyan oo mitir kuyuubik oo gaas dabiici ah, sida ku cad xogaha heshiiska. Hase yeeshee, waxa la yaab leh in 90% faa’iidada ka soo baxda sahminta iyo soo saarista khayraadkaasi loo ogolaaday dawladda Turkiga, halka dowladda Soomaaliya lagu koobay 5% oo kaliya, taas oo ah khidmad sahlan oo aan la jaanqaadi karin baaxadda khayraadka la sheegay.

Qodobbada kale ee heshiiska ayaa waxaa ka mid ah:-

Turkiga ayaa heysta awoodda kaliya ee dhoofinta shidaalka Soomaaliya, iyadoo aan dowladda Soomaaliya wax door ah ku lahayn go’aamada ganacsi ee la xiriira khayraadkeeda dabiiciga ah.

Haddii khilaaf dhaco, dacwadda waxa qaadaysa maxkamad ku taalla magaalada Istanbul, iyadoo Soomaaliya laga mamnuucay inay dacwad ka furato maxkamad dalkeeda ah.

Ciidamada ilaalinaya goobaha shidaalka waxay ahaan doonaan kuwa Turkiga ah, taas oo meesha ka saaraysa fursadihii shaqo ee ciidamada Soomaaliya heli lahaayeen.

Xogta kale ee walaaca abuureysa  ayaa ah in heshiiskaasi ay ansixiyeen xubno ka tirsan Baarlamaanka Soomaaliya iyagoo aan si dhab ah u arkin qodobbada ku jira, kuwaas oo hadda u soo baxay si dadweynuhu u arko.

Heshiiskan ayaa dhalin kara su’aalo culus oo ku saabsan madax-bannaanida Soomaaliya, ka faa’iideysiga khayraadka dabiiciga ah, iyo sida ay dowladda ugu xilsaaran tahay ilaalinta danaha shacabka.

Waxaa la filayaa in arrintani ay noqon doonto mid xasaasi ah oo laga doodo gudaha iyo dibadda dalka, iyadoo ay jiraan baaqyo isa soo taraya oo dalbanaya in dib loo eego heshiiska, lana helo hufnaan iyo daahfurnaan dhabta ah.

WARARKII KALE

Dhageeyso Warka Habeenimo ee Radiojowhar 30/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

RW Xamsa muxuu ka yiri doorashada maanta ka dhacday Waqooyi Bari?

Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa...

MW Xasan Sheekh oo hambalyo u diray Madaxweynaha iyo ku xigeenkiisa loo doortay Waqooyi Bari

Madaxweynaha dowladda Federaalka Soomaaliya Xasan Sheekh Maxamuud ayaa hambalyo...

70 qof oo tahriibayaal ahaa oo badda ku dhintay

Ugu yaraan 70 qof ayaa ku dhintay badda kadib...

C/rashiid Yuusuf Jibriil oo loo doortay Madaxweyne Ku-xigeenka Waqooyi-Bari Soomaaliya

Doorashada ka socotay magaalada Laascaanood ee xarunta maamulka cusub...

Firdhiye oo loo doortay Madaxweynaha Waqooyi-Bari Soomaaliyav

Cabdiqaadir Axmed Aw-Cali (Firdhiye) ayaa si rasmi ah loogu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles