Taliyaha Booliska Dhuusamareeb Dhame Nuur Cilmi Maxamed oo la hadlay warbaahinta ayaa waxaa uu ka hadlay amniga guud ee caasimadda Galmudug,Taliyaha ayaa shacabka ugu baaqay in ay si dhow ula shaqeeyaan ciidamada ammaanka si loo xoojiyo nabadda iyo xasilloonida
Sidoo kale, wuxuu ganacsatada ku amray in ay goobahooda ganacsiga ku xiraan “Caamiro CCTV”, si loo sugo amniga Magaalada Dhuusamareeb.
Waxaa sidoo kale digniin u diray askarta hubka ku dhex haysta gudaha magaalada Magaalada Dhuusamareeb, wuxuuna sheegay in arrintaasi aan la aqbali doono, islamarkaana ay talaabo ka qaadi doonaan askarigii ay ku arkaan isagoo hub ku wata bartamaha magaaladaasi.
Go’aankan ayaa ka dambeeyay kadib markii maalmihii ugu dambeeyay ay magaalada Dhuusamareeb ku soo bateen falalka amni darro.
