Ururka 162-aad ee Guutada 16-aad Kumaandooska Danab, oo kaashanaya Ciidamada Jubaland, ayaa hawlgal qorsheysan ka fuliyay deegaannada Lagta Welmaarow iyo Lagta Qunbi ee gobolka Jubbada Hoose.
Intii uu socday hawlgalka, ciidamada ayaa soo saaray oo burburiyay miinooyin ay Al-shabaab ku aaseen goobahaasi, kuwaas oo halis ku ahaa shacabka iyo ciidamada.
Sidoo kale, ciidamada ayaa burburiyay fariisin ay Al-shabaab ku lahaayeen deegaanka, iyagoo meesha ka saaray awooddii kooxda ee halkaasi.
Hawlgalkan ayaa qeyb ka ah howlgallada lagu xaqiijinayo amniga iyo ciribtirka maleeshiyaadka Al-Shabaab ee ku sugan deegaannada gobolka Jubbada Hoose.
